رواية احببت دكتوري الفصل الخامس عشر 15 بقلم حبيبه سيد
#الجزء الخامس عشر
#أحببت دكتوري
بدر : أهااا...والمطلوب مني اي دلوقت بقا أقولك أنا هسيب مراتي وهطلقها علشان بحبك انتي يا نورهان ف الوقت دا رحمه بتكون خارجة من أوضتها وبتسمع اخر حاجة قالها بدر لي نورهان وبتروح لي ريم عشان تذاكر لها
نورهان وهي بتقرب من بدر: فيها اي يعني
بدر : فيها انى متجوز
نورهان : يعني لو مش متجوز كنت
بيقاطعها بدر وبيكمل بعصبيه: نورهان علي أوضتك وكفايه اوي الي قولتيه
بتخرج نورهان تروح أوضتها ورحمه بتفضل قاعده مع ريم
بعد ساعتين
بدر : خلصتي
ريم :فاضل شويه يا بدري حبيبي
بدر : رحمه خلصي وتعالي عايزك
رحمه ........
بدر : انتي سمعتينى صح
رحمه : ريم ركزي
بدر بعصبيه : انا بكلمك مش بكلم نفسي
رحمه: حاضر يا دكتور وبتفضل قاعدة مع ريم حوالي ساعه الا ربع هااا فهمتي كدا ولا اعيدلك النقطة دي تاني
ريم : ايوا فهمت يا رحومه
رحمه : طب يا قلب رحومه انا هكتبلك كذا سوءال تحليه مع الحاجة الي هتحفظيها وهشوفلك تدريب ف الكتاب خلصيهم علي ما اشوف باباكي عايز اي
ريم : طيب يا رحومه انا هدخل أوضتي اخلص الاسئلة علي ما تيجى
رحمه بتخبط علي باب الاوضه
بدر : تعالي يا رحمه
رحمه : ايوا يا دكتور ف حاجة
بدر وهو بيقرب من رحمه : هتفضلي تعامليني كدا كتير
رحمه : تقصد اي يا دكتور
بدر بيمسك رحمه من أيديها : احنا هنا ف الشقة مش ف الكلية عشان تقوليلي دكتور مش واخده بالك انك ف أوضه النوم ولا اي يعني ملهاش لازمة دكتور بدر هنا بدر بس
رحمه : حضرتك هنا أو ف الكلية بالنسبالي دكتور بدر
بدر وهو بيقرب اكتر : بس انا جوزك يا رحمه ولا نسيتي دي كمان
رحمه بتبعد : لاء واضح ان حضرتك الي نسيت احنا اتحوزنا ليه صح انا هفكرك اتجوزتني عشان ريم عشان ابقي معاها واخد بالي منها مش اكتر
بدر : يا رحمه انا بح...
رحمه : اوعي تكملها انت كداب انت مش بتحبني عمرك ما حبيتني اصلا ولا فكرت فيا انت لحد دلوقت عايش علي ذكريات مع شروق حتي ف الحلم هي الي بتبقي معاك لدرجة انى اما جيت اصحيك قولت اسمها يعني انا مش موجوده اصلا بص يا دكتور بدر انا عارفه انك بتحبها ومش هتنساها وانا لو موجوده هنا عشان ريم بس بعد اذنك
بدر : رحمه استني مش هتذاكري ولا اي
رحمه : متشكره مش عايزه لو علي المحاضرات انا هحضر كل المحاضرات ف الكلية وهذاكر كويس هضغط نفسي ومش محتاجة مساعدة من حضرتك
وبتخرج تخلص باقي المذاكرة مع ريم وبتدخل أوضتها بتقعد تذاكر بتفضل لحد الساعه 3بالليل
تاني يوم ..
بدر : بيصحي بدري بيقعد علي اللاب يعمل شغل
ريم : صباح الخير يا بابا
بدر : صباح العسل يا قلب بابا
ريم : اي بتعمل اي بدري كدا
بدر : بخلص شغل
ريم : انا هروح اشوف رحومه حبيبتي علي ما تخلص وبتروح لي رحمه
بدر بيدخل المطبخ
ريم : بتخبط علي بابا اوضه رحمه
رحمه : ادخلي يا ريم
ريم : ازاي والباب مقفول
رحمه بتفتكر انها قفلت الباب بالمفتاح قبل ما تنام : حاضر هفتحلك اهو بتروح تفتح الباب
ريم : صباح الجمال
رحمه : صباح الحلويات
ريم : والله انتي الي حلويات
بدر بيدخل المطبخ يعمل فطار خفيف
نورهان بتشوفوا واقف ف المطبخ بتروح تحضنه من ضهره
بدر بيبتسم وبيمسك أيديها يبوسها : كنت عارف انك هتيجى اكيد مش هتفضلي زعلانه مني
نورهان : مقدرش أزعل منك يا حبيبي
بدر اول ما بيسمع الصوت بيلف : نورهان بتعملي اي هنا وأزاي تقربي مني بالطريقه دي
نورهان وهي بتقرب منه : عشان بحبك يا بدر
بدر بعصبيه : قولتلك انا متجوز
نورهان : عارفه انك متجوز وعارفه برضو انها مش بتخليك تقرب منها ولا تلمسها وانك أتجوزتها عشان ريم مش أكتر وبتقرب منه اكتر بدر انت مش بتحبها ومش قادر تحبها هي مقدرتش تنسيك شروق بس صدقني لو قربت منى شوية بس وعرفت قد اي أنا بحبك هخليك تنساها وهنسيك شروق كمان
بدر بيمسكها من أيديها جامد : اي الي انتي بتقوليه دا وجبتي الكلام دا منين انتي سمعتينا واحنا بنتكلم
نورهان : بدر انااا
بدر : كنتي بتتصنتي عليا أنا ومراتي اي الجرأه بتاعتك دي
نورهان : عشان بحبك يا بدر مش قادره اشوفك معاها ولا قريب منها
بدر بعصبيه : اتفضلي روحى أوضتك أجهزة عشان تنزلي تشوفي هتعملي اي
نورهان : يا بدر افهمني
بدر : انتي مدركه انك بتتكلمى علي مراتي
نورهان بتقرب منه بدلع : انت ملمستهاش يا بدر لحد ..
وهنا بتيجى اللمضه بتاعت الروايه
ريم : بابا
ف اللحظه دي بدر بيبعد نورهان عنه ورحمه مش بتبقي طايقه تشوف بدر
المهم بتدخل تعمل سندوتشات ليها هي وريم وبتخرج بيخلصوا فطار وبيجهزوا عشان ينزلو يركبوا العربية
بدر : اركبي قدام يا رحمه
ريم : بس انا عايزه رحومه معايا
نورهان : الكرسي مش بياخد غير واحد بس
رحمه : اتفضلي اركبي انتي
بدر : رحمه
رحمه : أنا هركب مع ريم
ريم : يلا بقا يا بابا كدا هتأخر علي الامتحان
بدر بقلة حيله : حاضر
بيركب ونورهان جنبه ورحمه وريم ف الكرسي الي ورا
ريم بتوصل علي المدرسه ورحمه بتوصل الكلية هي وبدر بتخلص المحاضرات وبتكون واقفه مع يارا
يارا : عملتيلي اي ف الموضوع الي قولتلك عليه
يوسف : صباح الخير
رحمه : صباح النور أهو الدكتور يوسف جهه بنفسه وبتعرفهم ببعض
يارا : اتشرفت بمعرفة حضرتك يا دكتور
يوسف : الشرف ليا انا يا آنسه
رحمه : أي خدمة يا دكتور جبتلك ممرضه مكانى أهو
يوسف يارب تبقي شاطره ف شغلها زيك كدا
رحمه : لاء اطمن هتقفل المستشفي خالص بعدها
يوسف : 😂😂😂الله يطمنك
بدر : كمان جاي لحد هنا وواقف تضحك وتهزر
رحمه : انت فاهم غلط الدكتور
بدر : لسه بتدافعي
يوسف : أفهم يا بدر
بدر : انت تخرس خالص فاهم
رحمه بعصبيه : كفايه بقا الدكتور يوسف جايب شغل لي يارا عشان كدا هو موجود هنا وبعدين حضرتك متعصب ليه
بدر : عشان احنا هنا ف الكلية مينفعش
يوسف بيقاطع كلام بدر : هو اي الي مينفعش يا دكتور بدر انا مش بعمل حاجة غلط مدام رحمه طلبت انى أشوف شغل لصحبتها وانا جيت هنا عشان أخد الآنسه يارا معايا المستشفي عشان تبدأ شغل بس حضرتك الي فهمت غلط
بدر : هو عشان جايب ليها شغل تدخل الكلية كان ممكن تكلمها فون وهي تخرج تقابلك وتروح علي شغلها
يوسف : كل اعتراضك انى دخلت الكلية طب يا دكتور انا خارج
رحمه : استني يا دكتور احنا خارجين مع حضرتك
بدر : علي فين ان شاء الله
رحمه : حضرتك كل الي يهمك ان الدكتور ميفضلش هنا صح
بدر : وبعدين
رحمه : احنا هنخرج معاه
بدر : احنا الي هو مين بقا
رحمه : حضرتك عندك محاضرات صح يبقي أكيد بتكلم عني أنا ويارا احنا خلصنا المحاضرات بتاعتنا
بدر : دكتور يوسف حضرتك جاي هنا عشان يارا صح
يوسف : أيوا
بدر : طب تقدر تاخدها وتشوف شغلك ،،رحمه عايزك ف مكتبي حالا
يوسف : بياخد يارا معاياه المستشفي عشان يبدأ الشغل ورحمه بتروح مكتب بدر
رحمه : أفندم حضرتك كنت عايز حاجة
بدر : أنا عايز أعرف ليه المعامله دي أنا عملت اي لكل دا
رحمه : بتهيألي مش مكانو الكلام دا بعد اذنك
بدر بيمسك أيديها وبيقرب منها : استني يا رحمه انتي مش مديانى فرصه اتكلم
رحمه : من غير ما تتكلم ولا توضح حاجة أنا عارفه ان حضرتك عمرك ما حبيتني وجوازنا كان غلط من البداية
بدر : لاء جوازنا هو الحاجة الصح الي عملتها
رحمه : عايز اي
بدر وهو بيقرب منها أكتر : تدينى فرصه
رحمه : وحبيبتك
بدر : أنتي حبيبتي
رحمه : كداب عمرك ما حبيتني وانا عارفه ان جوازنا مش هيطول وبتبعد عنه وبتروح ناحية الباب
بدر : رحمه
رحمه : هتطلقنى امتا
بدر .......
رحمه : بتفتح الباب وتخرج بيخلصوا ف الكلية وبيروحو ياخدوا ريم من المدرسة
نورهان : أزيك يا ريم
ريم : ماما حبيبتي
نورهان : قلب ماما
ريم : علفكرا أنا بكلم ماما رحمه مش بكلمك وبتروح تحضن رحمه
بدر ف سره : هنيالك يا ريم حب وحنيه وأحضان من رحمه وانا مش بقدر أقرب منها حظوظ وبيضحك بصوت عالي
ريم : بتضحك علي أي يا بابا
بدر : مفيش حاجة يا قلب بابا افتكرت حاجة بس
رحمه : اعتذري من طنط نورهان
ريم : نعم اعتذر ليه
رحمه : عشان ردك مكنش لطيف معاها وبعدين البنات الحلوين بيقولو اي
ريم : حاضر يا ماما عشان خاطرك بس
ريم : انا آسفه يا طنط نورهان
نورهان : مفيش حاجة حصلت يا حبيبتي
ريم ف سرها : حبك برص يكون احول يا طنط حيزبونه انتي كتك نصيبه تاخدك وتريحنى منك وانتي رخمه ولا تطاقي كدا
طبعا رحمه متابعه نظرات ريم وكاتمه الضحكة بالعافيه
بيوصلو البيت وكل واحد بيدخل أوضته عشان يرتاح
بالليل
رحمه بتكون قاعده ف أوضتها وبتتكلم فيديو مع يارا
رحمه : مالك يا بنتي هتفضلي قلقانه كدا
يارا : انا لسه اول يوم يا رحمه بحاول اتعامل مع الوضع
رحمه : بكرا تتعودي بس تاخدي بالك وتركزي ف شغلك ومع الوقت هتحبي الشغل ،، والمرضي تتعاملي معاهم كويس وتكوني هاديه معاهم ومتتعصبيش دول هتقضي معاهم وقت كبير بإيديكى تخليهم يحبوكى ويطلبوكى بالاسم وبإيديكى برضو تخليه مش عايزينك
يارا : أزاي
رحمه : معاملتك الكويسه ليهم حبك ليهم وإخلاصك ف شغلك حنيتك علي اي حاله هتمسكيها بصي ي يارا عشان انتي أختي قبل ما تبقي صحبتي أنا هقولك علي حاجة شغلك هيخليكى تمري بإختبارات كتير بتركيزك واجتهادك ف شغلك يخليكى متفوقه فيه ويرفعك من مكانك لي مكان أعلي وأحسن كتير ولو أهملتى شغلك هتفضلي ف نفس النقطة او المكان الي أنتي فيه يعني من الاخر كدا زي المذاكرة تديها حقها تلاقي نتيجة كويسه متدهاش حقها مبتلاقيش نتيجة هااا بقا
يارا : ايه
رحمه : ايه بالنسبه المذاكرة نسيتيها ولا ايه
يارا : هههههههههههههههه أنساها ان كان عليا عايزه أخلص الكلية دي خالص
رحمه : إن شاء الله نخلصها ونرتاح خالص
يارا : طب يلا يا مزه نذاكر
رحمه : لا مفيش مزه ف مذاكره ههههههههههه هههههه
يارا : يلا بينا انا عارفه مش هنخلص من المذاكرة ولا الكلية بيبدوء يذاكرو حوالي ساعة ونص
ريم بتخبط علي الباب
رحمه : تعالي يا ريم
ريم : رحومه حبيبتي
رحمه : قلبها
ريم : حبيبتي يا ماما رحمه
رحمه : جاهزة المذاكرة
ريم : أكيد طبعا
رحمه : طب يلا اسبقينى جهزي حاجتك وانا جايه وراكى
ريم : حاضر وبتشاور بي صباعها بس متتأخريش بسرعه هاااااا
رحمه بهزار : هسبقك علفكرا هوصل قبلك
ريم : لا أنا الي هسبقك وبتطلع تجري عشان تجيب حاجتها
رحمه : يلا بقا ي يارا أنا هقفل دلوقت كملي مذاكرة انتي أنا هخلص وأكلمك
يارا : اشطا يا مزه
بدر : ريم قاعدة كدا لييه
ريم : مستنيه ماما رحمه عشان نذاكر
بدر : طب هي المذاكرة متنفعش غير مع رحمه مينفعش حد تاني يعني
ريم : هتذاكر ليه ولا اي يا بابا
بدر : لاء مش انا
ريم : امال مين
بدر : نورهان هتقعد تذاكر ليكي اي رأيك بقا
ريم : هي طنط هتعرف تذاكرلي هتفهمنى يعني
بدر : نورهاااان تعالي
نورهان : ايوا جايه
بدر : نورهان تعرفي تذاكري لي ريم
نورهان : أكيد طبعا
ف الوقت دا رحمه بتدخل : هااا جاهزه
ريم : أيوا يا ماما ...احم خلاص يا طنط ماما هتذاكرلي
بدر : لاء يا ريم طنط نورهان هتذاكر ليكى ورحمه هتروح تشوف مذاكرتها
رحمه : لاء انا هذاكر لي ريم وبعدين
بدر بيقاطع كلام رحمه : لاء أنتي عندك مذاكرة برضو متعطليش نفسك نورهان مش بتعمل حاجة هي هتقعد معاها تذاكر لها
ريم : يا بابا أنا
رحمه : خلاص يا ريم اسمعى كلام بابا ركزي ف مذاكرتك
ف النهاية نورهان بتقعد تذاكر لي ريم ورحمه بتدخل أوضتها تانى بتكلم يارا بتقعد تذاكر معاها بس مش بتكون مركزه بالها مشغول بي ريم .
بعد ساعه
ريم : بعد أذنك يا طنط
نورهان : رايحه فين يا حبيبتي
ريم ف سرها : حبك برص ورمتي دماغي علي الفاضي ،،،،مفيش يا طنط بس هروح الحمام وراجعه
بتخرج تروح أوضه رحمه بتخبط ع الباب
رحمه : تعالي يا ريم
ريم : معلش يا ماما
رحمه : أي خلصتي مذاكرة ولا ف حاجة واقفه معاكى
ريم : خلصت اي دي ورمت دماغي ع الفاضي مفهمتش حاجة قولت أجيلك تلحقي الي فاضل ف مخي بدل ما يطير كله
رحمه : طب تعالي أقعدي وانا هشرحلك الي انتي عيزاه
يارا : باقي المحاضرات والشرح يا رحمه مش هتكملي ولا اي
رحمه : هنكمل ،بس هشرح لها شويه واكمل معاكى عشان تعرف تجاوب ف امتحانها بس
يارا : أيوا بس انتي كمان عندك امتحان و...
رحمه : مش مهم أنا هذاكر ف اي وقت عادي بس ريم لازم تذاكر دلوقت عشان أتاخرت ولازم تنام وبتبدأ تذاكر لي ريم
بعد نص ساعه
نورهان بتكون عند بدر بتخبط ع الباب وتفتح : ممكن ادخل
بدر : اتفضلي ف حاجة ولا اي
نورهان : لاء أبدا كنت هسألك علي ريم بس
بدر : نعم هي مش معاكى والمفروض انك بتذاكر ليها
نورهان بتوتر: أهااا طبعا معايا وبذاكرلها بس قالتلي أنها رايحه الحمام وأتأخرت أوي قولت يمكن عندك
بدر بيروح علي أوضه رحمه لسه هيخبط ع الباب
نورهان : أي دا هتستأذن قبل ما تدخل أوضه مراتك
بدر بيفتح الباب ويدخل : ريم انتى هنا بتعملي اي مش المفروض انك قاعدة تذاكر مع نورهان
ريم : حضرتك شايفني بعمل اي يا بابا أكيد مش قاعده العب يعني
بدر : لمضه هانم مش قولتلك نورهان هتذاكرلك عشان رحمه عندها مذاكره
ريم : مانا هنا بذاكر برضو ومش معطله رحومه حبيبتي ف حاجة وبعدين يا بابا هو مش المفروض نستأذن قبل ما ندخل الاوضه مش حضرتك كنت بتقولي كدا
بدر : هااا أيوا كنت بقولك كدا بس أنا كنت قلقان عليكى عشان كدا دخلت من غير ما أستأذن وبعدين انتي قولتي لي نورهان أنك رايحه الحمام هو دا الحمام
ريم : بصراحه طنط ورمتلي دماغي ومفهمتش حاجة كمان بتقعد تبص للكتاب كتير وخلاص
نورهان بإحراج : كنتي قولتيلي كنت فهمتك براحه
رحمه : خلاص حصل خير تقدري تروحي تنامي وانا هكمل معاها أصلا خلصت مذاكره وفضيت لها ،،
بدر ونورهان بيخرجوا من أوضه رحمه وريم بتفضل مع رحمه بيقعدوا يذاكرو
ريم بتقعد تحل أسئلة ورحمه بتقعد تذاكر مع يارا وبينامو وهما قاعدين يذاكرو
بدر بيدخل أوضه رحمه وهي نايمه بيفضل يبص ويتأمل ف ملامحها بيحسس علي خدها وشعرها براحه بيقرب منها ويطبع بوسه علي شفايفها ف اللحظة دي رحمه بتفوق بتقوم من ع السرير
رحمه : دخلت هنا أزاي و.
بدر بيحط صباعه علي شفايفها ششششش انا ما صدقت بقيت معاكي
رحمه : انت بتقول اي
بدر : بحبك يا روح قلبي ما بقتش قادر علي بعدك كفايه بعد وعتاب بقا خلاص مبقتش قادر أشوف الجمال دا كله قدامى ومقربش منه
رحمه : بس أنت عمرك ما حبيتني طول عمرك بتحب شروق
بدر وهو بيقرب من رحمه : هتصدقينى لو قولتلك محبتش حد غيرك أنا بحبك بجد يا رحمه معاملتي ليكى كانت خوف عليكى كنت شايفك البنت الصغيرة الي ديما بخاف عليها وبلاعبها والعب معاها متخيلتش انها تكبر وتبقي بالجمال والحلاوة والرقه والدلال دا كله بيقرب منها
رحمه : بدر
بدر بيشدها عليه : قلب بدر والله بحبك بيحط أيديه علي وسطها والتانيه علي خدها وبياخودها ف بوسه طويله من شفايفها
تاني يوم الصبح
ريم بتصحى تبوسها ف خدها
رحمه بتفتح عينيها بإبتسامة صباح الخير إما بتشوف ريم بتعرف أنها كانت بتحلم
بيلبسوا ويخرجوا يفطروا وبتنزل هي وبدر وريم ونورهان
ريم بتوصل علي المدرسه زي كل يوم ورحمه بتكمل هي وبدر علي الكلية
بدر بيخلص محاضرات هو ورحمه وبيروحوا ياخدوا ريم من المدرسة
ريم : اي دا هي طنط حيزبونه مجتش
بدر: ميييييين
ريم : بقولك طنط نورهان
بدر : أهاااا لاء مجتش بتخلص ورق وكام مشوار كدا هتتأخر شويه
ريم بإبتسامة : يلا بينا
بدر بيفضل ماشي شويه بالعربيه
رحمه : احم ...دا مش طريق الشقه
ريم : اي دا هتخطفنا ولا اي يا بدري
بدر : بس يا لمضه انا قولت تاخدو نفسكم بدل ما كل يوم مذاكرة ومدرسه وكلية وعلي الشقه علطول تغيرو جو النهارده
ريم : طب رايحين فين
بدر : هنقعد ف كافيه شويه وبعدين هنروح ،،،،،،،،،
بيوصلو الكافيه وبيدخلو يقعدوا بيجى واحد يحط المنيووو علي الترابيز
بدر : عايزه اي يا ريم
ريم : هطلب زي ماما
رحمه : تأخدي مانجا ولا لمون بالنعناع
ريم : هاخد زيك
رحمه : يمكن الي اطلبوا ميعجبكيش
ريم : لاء متقلقيش اي حاجة هتطلبيها هتبقي حلوه
بدر : طب بعد اذنكم خمس دقائق وجاي اطلبي معاكى قهوة وبيمشي
رحمه بتشاور للجرسون: لو سمحت
الجرسون : تحت امرك
رحمه : اتنين لمون نعناع واحد قهوة
ريم : متتأخرش يا عمو
الجرسون : حاضر يا فندم
بعد شويه الطلبات بتنزل علي الترابيز
رحمه بتكون قاعده تهزر مع ريم وفجأة بيظهر كمال بيروح علي الترابيز بتاعت رحمه
كامل: اهلا حقيقي الدنيا صغيرة مكنتش اتوقع اشوفك
رحمه بتوتر : ولا انا الحقيقه بصراحه مكنتش اتمني اشوفك خالص
كامل : ليه بس دا احنا حتي بينا عشره وحاجات حلوه
رحمه : هات من الاخر يا كامل عايز اي
كامل : الله حلوه اوى منك كمال ، أحلويتى اوووى يا رحمه
رحمه : عايز اي
كامل : وحشتينى .....يتبع
